ABŞ Məxfi Xidməti təhlükəsizlik baxımından ABŞ Prezidenti Co Baydenə izdihama yaxınlaşmağı qadağan edib.
Yeniavaz.com xəbər verir ki, bu barədə dövlət başçısı Delaverdə keçirdiyi məzuniyyətdən sonra Ağ Evdə jurnalistlərə bildirib.
“Özümü yaxşı hiss edirəm - kütləyə yaxınlaşmaq məsələsi istisna olmaqla, Məxfi Xidmət mənə icazə vermir”, - Bayden bildirib.
Xüsusilə dövlətin yüksək vəzifəli şəxslərini, prezidentliyə namizədləri və keçmiş liderləri qoruyan Məxfi Xidmətin bu qərarının səbəbləri ilə bağlı sualı cavablandıran Bayden vurğulayıb:
“Çünki onlar bunun çox təhlükəli olduğunu bildirirlər”.