Parisdə Fransa prezidenti Emmanuel Makronun “hakimiyyəti ələ keçirməsinə” qarşı Fransanın solçu partiyalarının təşkil etdiyi etirazlar başlayıb.
SİA xəbər verir ki, bu barədə RİA Novosti məlumat yayıb. …Makron solçu Yeni Xalq Cəbhəsi fraksiyasının təklif etdiyi Lucie Casteti ölkənin yeni baş naziri təyin etməkdən imtina etdikdən sonra sol partiyaların, Yaşılların və Sosialistlərin liderləri Paris mitinqinə çağırıblar. Fransa lideri bildirib ki, solçular blokunun növbədənkənar seçkilərdə qələbə qazanmasına baxmayaraq, hökumətin formalaşmasında iştirak etməyəcəklər.Bunu agentlik xəbər verir.
Parisdə etirazçılar “Makron, çıx get!”, “Makron xaindir, sənin istefa vaxtındır!”, “Makronun Fransada hakimiyyəti ələ keçirməsinə son qoyaq!”, “Makron anti-demokratiya ilə sinonimdir” şüarları səsləndirib.
Etirazçılar həmçinin Fransa prezidenti tərəfindən respublikanın yeni baş naziri Mişel Barnierin təyin edilməsinə etiraz edirlər.
Qeyd edək ki, sentyabrın 5-də Makron Barnyeni baş nazir təyin edib. 73 yaşlı keçmiş xarici işlər naziri və keçmiş Avropa komissarı Respublikaçılar partiyasını təmsil edir.
Həmin gün solçu partiyaların “Yeni Xalq Cəbhəsi” koalisiyasının lideri Jan-Lyuk Melenşon ölkənin yeni baş nazirinin təyin olunmasından sonra etiraz aksiyalarına çağırıb. Onun sözlərinə görə, Barnierin Fransanın baş naziri təyin edilməsi parlament seçkilərinin nəticələrinin “oğurlandığına” işarədir.
Əli Babayev
