ABŞ Dövlət katibi Entoni Blinken və Böyük Britaniyanın xarici işlər naziri Devid Lemmi birlikdə Kiyevə səfər ediblər. Onlar Londonda keçirilən danışıqlardan sonra Kiyevdə Ukrayna prezidenti Volodimir Zelenski ilə görüşmə qərarı veriblər.
E.Blinken bildirib ki, səfərin məqsədlərindən biri Ukrayna rəhbərliyindən onların məqsədlərini dəstəkləmək və ehtiyaclarını ödəmək üçün ABŞ-ın nə edə biləcəyini öyrənməkdir.
Qeyd edək ki, V.Zelenski dəfələrlə rəsmi Vaşinqtonu ABŞ-ın təmin etdiyi silahların məhdudiyyətlərini yumşaltmağa çağırıb.
