ABŞ prezidentliyinə namizəd Donald Trampın müharibəyə son qoymaq planına Rusiya tərəfindən işğal olunmuş Ukrayna ərazilərində “demilitarizasiya zonası”nın yaradılması daxil ola bilər. Ukrayna isə bu zaman NATO-ya üzv olmaqdan imtina etməli olacaq.
Bu barədə RBC-Ukrayna Şon Rayan Şou podkastında Respublikaçılar Partiyasından ABŞ-ın vitse-prezidentliyə namizədi J.D.Vens-ə istinadən məlumat verib.
"Düşünürəm ki, bu, belə görünəcək. Tramp oturub ruslara, ukraynalılara və avropalılara deyir: "Siz uşaqlar, sülh nizamlanmasının necə olduğunu başa düşməlisiniz və Ukrayna silahsızlaşdırılmış zonaya çevriləcək, o, rusların yenidən işğalının qarşısını almaq üçün möhkəmlənəcək”.
Onun fikrincə, bu halda Ukrayna öz müstəqil suverenliyini qoruyub saxlayacaq.
“Rusiya Ukraynadan NATO-ya və ya müttəfiq qurumlara qoşulmayacağına dair neytrallıq zəmanəti alır”, - ABŞ vitse-prezidentliyinə namizəd əlavə edib.
Oxuməni.az
