19 yaşadək futzalçılardan ibarət Azərbaycan millisi AÇ-2025-in seçmə mərhələsində mübarizəyə ilkin raunddan başlayacaq.
Fanat.Az xəbər verir ki, bu mərhələnin oyunları yanvarda start götürəcək.
Komandalar artıq səbətlərə bölünüb, püşkatma isə oktyabrın 31-də keçiriləcək. Reytinq cədvəlinin 27-ci sırasında qərarlaşan millimiz öz qrupunun birinci komandası olacaq. Sıralamada yer alan 35 komandadan 10-u ilkin mərhələdə iştirak edəcək. Onlar 3 səbətə bölünəcəklər. Səbətlərdən 2-də 3, birində 4 komanda yer alacaq. Yalnız qrup birinciləri əsas mərhələyə vəsiqə qazanacaq.
İlkin mərhələnin oyunları gələn il yanvarın 21-dən 26-dək keçiriləcək. Əsas mərhələdə isə 28 komanda 4 qrupda mübarizə aparacaq. Bu mərhələnin oyunları 25-30 mart tarixlərində keçiriləcək. Yekunda qrup qalibləri final mərhələsinə yüksələcək.
Final mərhələnin oyunları gələn il 28 sentyabr – 5 oktyabrda Moldovanın paytaxtı Kişinyovda təşkil olunacaq.
1-ci səbət
Gürcüstan
Azərbaycan
Şimali Makedoniya
2-ci səbət
Kosovo
Litva
Cəbəllütariq
3-cü səbət
Malta
Almaniya
San Marino
Estoniya
