"Ümid edirəm ki, sağ-salamat qayıdacağıq".
"Azad İran" "Telegram" kanalı xəbər verir ki, bunu İran Prezidenti Məsud Pezeşkian Qətərə iki günlük səfərdən qayıdarkən Hərbi Hava Qüvvələrinin pilotları ilə danışarkən deyib.
Dohadan Tehrana yollanan İran Prezidenti onu müşayiət edən döyüş təyyarələrinin pilotları ilə söhbətində bildirib: "İstəməzdik ki, bizim üçün narahat olasınız. Biz fəxr edirik ki, sizin kimi qəhrəmanlarımız var və ölkə üçün yaratdığınız təhlükəsizlik qürur mənbəyidir. Allah sizi İran xalqı üçün qorusun. Ümid edirəm ki, sağ-salamat qayıdacağıq".
