Britaniya polisi Temza çayında ilişib qalan gənc balinanı xilas etmək mümkün olmadığı üçün onu vurmaq məcburiyyətində qalıb. Hadisə Kanvey adasının (Esseks) yaxınlığında baş verib.
Sfera.az bildirir ki, uzunluğu altı metrə qədər böyüyən balinaları xilas etmək üçün yanğınsöndürmə və baytarlardan ibarət briqadanın iştirakı ilə genişmiqyaslı xilasetmə əməliyyatı həyata keçirilib.
Baytarlar, balinaların doqquz fərddən ibarət ailənin bir hissəsi olduğunu, onlardan yeddisinin iki gün əvvəl ərazidə daha əvvəl qapalı qalmasından sonra öldüyünü bildirib.
Polis rəisi Morqan Kronin:
“Balaların əzablarına son qoymaq üçün çətin qərar qəbul edilməli idi: 12 saatdan çox işlədikdən sonra bunun dərhal həyata keçirilməsini təmin etmək üçün təlim keçmiş atıcının köməyi ilə onları vurmalı olduq”-deyib.
Polis rəsmiləri qeyd ediblər ki, bu, heç bir polis məmurunun etmək istəmədiyi bir işdir.
Baytarlar həmçinin belə qənaətə gəliblər ki, tez-tez istifadə olunan kimyəvi maddələr suya girərsə, digər canlılar üçün təhlükə yarada bilər, ona görə də alternativ yanaşma lazımdır.
Vəhşi Təbiət Xəstəxanasının komandası balinaları xilas edə bilmədiklərinə görə kədərləndiklərini bildiriblər. Əməliyyatın bütün iştirakçılarının mövcud variantları sınadığı qeyd edilir.
Balinaları mühafizə edən ORCA xeyriyyə təşkilatından olan vəhşi təbiət fotoqrafı Rosie Barrett “Facebook”da hadisənin onu sarsıtdığını yazıb. O, Esseks sahillərində böyük balinalara nadir hallarda rast gəlindiyi üçün bu hadisənin qeyri-adi olduğunu bildirib.
Aynil
Sfera.az
