“Biz artıq Azərbaycanla əməkdaşlıq edirik. Bu gün biz izləmə hesabatımızı işə saldıq. Onlar tədbirə ev sahibliyi etdilər və biz onların dəstəyi sayəsində COP28 və COP30-a sədrlik edən bütün üçlükdən həzz aldıq”.
Bunu APA-ya açıqlamasında Beynəlxalq Bərpa Olunan Enerji Agentliyinin (IRENA) baş direktoru Françesko La Kamera deyib.
O bildirib ki, bu, çox yaxşı hadisə idi və biz ümid edirik ki, bu izləmə hesabatı həm də burada, Bakıda keçiriləcək danışıqlar üçün ilham olacaq: “Bizim burada- COP-29-da başqa təşəbbüslərimiz var, Azərbaycan rəhbərliyi ilə Mərkəzi Asiya üçün yeni təşəbbüsə start verilib. COP zamanı biz ilk dəfə olaraq investisiya forumu təşkil etmişik. Beləliklə, biz çox qısa bir zamanda bunu edirik”.
IRENA-nın baş direktoru Françesko La Kamera qeyd edib ki, biz onlarla qarşılıqlı əlaqə, yeni sistemin enerji dəhlizinə inteqrasiyası üzərində işləyirik:
“Biz layihələrin maliyyələşdirilməsini asanlaşdırmağa çalışırıq. Biz onlarla işləməkdən həzz alırıq. Və buna görə də ümid edirəm ki, bu məqsədə nail olacaqlar. Xüsusi təşəbbüs Mərkəzi Asiya üçün olandır. Burada əlaqə üzərində işlədiyimiz bütün ölkələr var, ona görə də biz enerji şəbəkəsinin, şəbəkələrin və digərlərinin inteqrasiyasına üstünlük vermək planları üzərində işləyirik. Mən hesab edirəm ki, bu, çox konkretdir və buna görə də biz tərəfdaşlarımızla işimizi asanlaşdırmaq üçün layihələr təqdim edirik. Elə şeylər var ki, məncə, bizdə kifayət qədər konkret nəticələr var, biz həm COP prezidenti, həm də energetika naziri ilə işləməkdən həzz alırıq”.
