Lukaşenko Serbiyanı Belarusa münasibətini aydınlaşdırmağa çağırıb

Belarus prezidenti Aleksandr Lukaşenko Serbiyanın respublikaya qarşı yürütdüyü siyasəti aydınlaşdırmağa çağırıb. Bizimyol.info xəbər verir ki, Lukaşenko bu barədə Belarusun yeni səfirləri ilə görüşündə bildirib. Görüşün videosu prezidentin mətbuat xidmətinə yaxın olan Telegram kanalında yayımlanıb. “Biz Serbiyanın Belarusa münasibətdə yürütdüyü və bundan sonra yürütmək istədiyi siyasəti başa düşməliyik. Əgər istəyirlərsə, o zaman ticarət-iqtisadi baxımdan da nəticə olmalıdır. Əgər onlar kobud desək, hər tərəfə quyruq bulamaq, Avropa və Amerikanın Belarusa qarşı sanksiyalarını dəstəkləmək istəyirlərsə, bu, onların işidir, əgər bizim onlara etdiyimiz xeyirxahlığı unudublarsa, qoy özləri müəyyənləşdirsinlər və münasibətlərimizi dağıdanlara dəstək olsunlar”, - deyə Lukaşenko bildirib. Belarus prezidenti həmçinin qeyd edib ki, Qərb və Amerika bizimlə əməkdaşlıq etmək istəmirsə, yaxşı, biz lazım olan yerdə səfirliklərimizi qoruyacağıq və əsas diplomatları hərəkəti müşahidə etdiyimiz ərazilərə köçürməliyik: “Bir çox ölkələrdə hərəkətlərimiz var, bir çox ölkələrlə əməkdaşlıq edirik. Biz onları gücləndirməliyik, bu, Serbiyaya da aid olacaq, sadəcə olaraq, onların nə istədiklərini siyasi cəhətdən müəyyənləşdirmək lazımdır. Bəyan etmək bir şeydir, amma əməl etmək tamamilə fərqli bir şeydir; belə bir siyasət heç kimə lazım deyil. Ortada qalmaq isə ən uğursuz strategiyadır, çünki hər tərəfdən təzyiqlə üzləşirsən”, - deyə Lukaşenko qeyd edib. Bazar ertəsi Lukashenko bir sıra Afrika ölkələrinə, həmçinin Çin və Serbiyaya yeni səfirlər təyin edib. Qadir, Bizimyol.info