1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İşərisində Seneqalın Baş naziri Usman Sonkonun olduğu avtomobil karvanı izdihamın hücumuna məruz qalıb.
Oxu.Az xəbər verir ki, bu barədə "SenePlus" xəbər portalı məlumat yayıb.
Qeyd olunur ki, etirazçılar avtomobilləri daşlayıblar. Hökumət başçısı xəsarət almayıb.
Bildirilir ki, avtomobillərə hücum ölkənin mərkəzi hissəsindəki Kunqeula şəhərində U.Sonkonun "Seneqal Vətənpərvərləri Əmək, Etika və Qardaşlıq naminə" (PASTEF) partiyasının lideri kimi ölkədə 17 noyabrda keçiriləcək parlament seçkisi ilə əlaqədar tədbirlərdə iştirakı zamanı baş verib. Kortej müxalifət fəallarının izdihamının yanından keçərkən maşınlara daşlar atılıb. Polis dərhal hücum edənləri qovub.
PASTEF öz lideri və Seneqal baş nazirinin öldürülməsinə cəhdlə bağlı məhkəməyə müraciət etdiyini açıqlayıb.
