1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Ötən gün Abşeron rayonu, Xırdalan şəhərində çoxmərtəbəli yaşayış binasında baş verən yanğınla əlaqədar həmin binada yerləşən Abşeron DOST Mərkəzi müvəqqəti olaraq fəaliyyət göstərməyəcək".
Bunu Oxu.Az-a açıqlamasında DOST Agentliyinin sözçüsü Şahin Əliyev deyib.
O qeyd edib ki, bu, mərkəzdə ehtiyac yaranan kiçik təmir işlərinin aparılması ilə əlaqədardır.
"Qeyd edək ki, hadisə axşam saatlarında, DOST mərkəzinin fəaliyyət göstərmədiyi vaxt baş verib. Fövqəladə Hallar Nazirliyinin Dövlət Yanğından Mühafizə Xidməti və Xüsusi Riskli Xilasetmə Xidmətinin qüvvələri tərəfindən həyata keçirilən zəruri və təxirəsalınmaz tədbirlər sayəsində yanğın genişlənməsinə imkan verilmədən qısa müddətdə söndürülüb", - deyə Ş.Əliyev vurğulayıb.
Əzizə İsmayılova
