Yaponiya Aerokosmik Tədqiqatlar Agentliyi (JAXA) DSN 3 (Kirameki 3) hərbi rabitə peykinin orbitə buraxıldığını elan edib.
“İki sahil” “Kommersant”a istinadla xəbər verir ki, peyk Kaqosima prefekturasındakı Taneqaşima peyk buraxılış mərkəzindən H3-22S raket daşıyıcısı vasitəsilə buraxılıb.
Buraxılış Tokio vaxtı ilə saat 15:48-də baş tutub. 30 dəqiqədən sonra çəkisi dörd ton olan cihaz orbitə çıxarılıb. Əlverişsiz hava şəraitinə görə buraxılış bir neçə dəfə təxirə salınıb.
Bloomberg qeyd edir ki, DSN 3 Yaponiya Müdafiə Nazirliyinin hərbi və kəşfiyyat əməliyyatları, o cümlədən Şimali Koreyanın raket fəaliyyəti haqqında məlumatların toplanması üçün X diapazonlu rabitədən istifadə edən peykidir. DSN 3 peyki X diapazonlu peykinin yeni modelidir və əvvəlki iki modelə hava müqavimətini artırır. H3-22S raket daşıyıcısı Yaponiyanın ən böyük raketi hesab olunur. 4 ilə 6,5 ton arasında qaldırma qabiliyyətinə malikdir. Raketin hazırlanmasına 2013-cü ildə başlanılıb. Mitsubishi Heavy Industries onun yaradılmasına təxminən 1,32 milyard dollar xərcləyib.
