Bu statistika müxtəlif ölkələr arasında içki mədəniyyətindəki fərqləri açıq şəkildə nümayiş etdirir.
"World Population Review"in məlumatına görə, adambaşına ən çox araq Rusiyada istehlak olunur - ayda 17 qədəh.
Milli.Az lent.az-a istinadən bildirir ki, bu, ölkəni bu güclü spirtli içkilərin istehlakına görə ölkələr siyahısında birinci yerə qoyur.
Rusiyadan sonra 14 qədəhlə Polşa, üçüncü yerdə isə orta sakin ayda 10 qədəh araq içən Ukrayna gəlir.
Siyahıda sonrakı yerlərdə Bolqarıstan (5 qədəh), Slovakiya və ABŞ (hər biri 4 qədəh), sakinləri ayda 3 qədəh araq içən İrlandiya, Finlandiya, Böyük Britaniya, Kanada və Macarıstandır.
Maraqlıdır ki, hətta Almaniya və Çexiya kimi ənənəvi "pivə" ölkələrində də araq istehlakının səviyyəsi ayda 2 qədəhdir.
Avstriya, İsrail, Norveç, İsveç və Avstraliyada adambaşına ayda 1-2 qədəh kimi nisbətən aşağı istehlak səviyyəsi var.
Fransa, Türkiyə və İspaniya kimi cənub iqlimi olan ölkələrdə araq o qədər də məşhur deyil. Məsələn, Fransa və Rumıniyada ayda təxminən 0,7 qədəh, İspaniya və Türkiyədə isə yarım qədəhdən az içirlər.
Meksika, İtaliya, Hindistan və Yaponiyada bu rəqəm minimuma enir: ayda 0,2-dən 0,15 qədəh. Son yerdə isə araq istehlakı müvafiq olaraq cəmi 0,08 və 0,05 qədəh olan İndoneziya və Banqladeşdir.
Bu məlumatlar bütün dünyada içki mədəniyyətindəki fərqləri açıq şəkildə nümayiş etdirir.
Milli.Az
Xəbərlərimizi WhatsApp kanalımızdan da oxuyun
