ABŞ prezident seçkilərində öndə gedən Donald Trampın qələbə qazanacağı təqdirdə qisas almaq istədiyi şəxslərin uzun bir siyahısı olduğu bildirilir. Politico nəşri Trampın “qisas siyahısında” yer alan bir neçə şəxsin adını açıqlayıb.
Bakuinfo.net xəbər verir ki, bu siyahının başında hazırkı prezident Co Bayden, onun oğlu Hanter və Bayden ailəsinin digər üzvləri yer alır. Həmçinin, Trampın rəqibi Kamala Harris, keçmiş prezident Barak Obama, sabiq dövlət katibi Hillari Klinton və keçmiş Nümayəndələr Palatasının spikeri Nensi Pelosi də siyahıda var.
Bundan əlavə, Trampın Nyu-York baş prokuroru Letisiya Ceyms, keçmiş vəkili Maykl Koen, Meta şirkətinin qurucusu Mark Zukerberq, keçmiş FBI agenti Piter Strzok və onun sevgilisi Liza Peycə qarşı da qisas almaq istəyəcəyi qeyd edilir.
Bakuinfo.net
