Qərb, xüsusən də ABŞ Rusiya, Çin, Şimali Koreya və İran arasında artan qarşılıqlı əlaqə ilə təhdid edilir.
Oxu24.com xəbər verir ki, bunu NATO-nun baş katibi Mark Rutte deyib.
Alyansın baş katibi qeyd edib ki, o, bu vəziyyəti ABŞ-ın seçilmiş prezidenti Donald Trampla müzakirə etməyi planlaşdırır. Rutte amerikalı siyasətçi ilə danışıqlar apara biləcəyinə əmin olduğunu bildirib.
“Mən onunla dörd il işləmişəm, o, nə istədiyini çox açıq şəkildə ifadə edir, qarşılıqlı əlaqənin, ümumi yanaşmaların formalaşdırılmasının zəruriliyini başa düşür. İnanıram ki, biz buna nail ola bilərik”, - NATO-nun baş katibi bildirib.
Noyabrın 4-də irlandiyalı jurnalist Chey Bowes bildirib ki, NATO ölkələrinin Rusiya və Çinə qarşı çıxdığı genişmiqyaslı hərbi münaqişə zamanı Qərbin məğlubiyyəti qaçılmazdır. Onun sözlərinə görə, bu, bir ay ərzində baş verəcək.
Noyabrın 5-də Rusiyanın xarici işlər naziri Sergey Lavrov bildirib ki, Rusiya NATO-nun aqressiv hərəkətləri olacağı təqdirdə Şimali Atlantika Alyansına Moskvanın adekvat cavabı barədə xəbərdarlıq edib. Rusiya XİN rəhbəri qeyd edib ki, opponentlər bu məsələdə yanılmamalıdırlar.
Bundan əvvəl NATO-nun keçmiş baş katibi Trampın Ukraynada sülhü yaxınlaşdırmaq bacarığından danışmışdı.
Nigar
