Artıq dördüncü ildir ki, xalqımızın qürur və iftixar tarixi olan 8 noyabr - Zəfər Gününü xalqımız böyük sevinc və qürur hissi ilə qeyd edir. Respublikamızın hər yerində olduğu kimi Naftalan şəhərində də 8 noyabr -Zəfər Gününə həsr edilmiş silsilə tədbirlər keçirilir.
Uşaq-Gənclər İdman məktəbinin təşkilatçılığı ilə 8 Noyabr - Zəfər Gününə həsr olunmuş yeniyetmə və gənclərin iştirakı ilə futbol yarışı, kross qaçışı, “Qarabağ Azərbaycandır” şüarı altında yürüş təşkil olunub.
V.Namazov adına körpələr evi - Uşaq bağçasında da 8 noyabr - Zəfər Gününə həsr olunmuş ədəbi-bədii tədbir keçirilib. Tədbirdə körpə fidanların ifasında mahnılar səsləndirilib, rəqs nümunələri təqdim olunub.
Təhsil müəssisələrində keçirilən tədbirlərdə şeir müsabiqəsi, şagirdlərin rəsm və əl işlərindən ibarət sərgilər, dəyirmi masa keçirilib, ədəbi-bədii kompozisiyalar təqdim olunub.
Keçirilən tədbirlərdə Şəhid ailələri, qazilər, Vətən müharibəsi iştirakçıları iştirak ediblər.
