Bunu Azərbaycan Respublikası Prezidentinin xüsusi tapşırıqlar üzrə nümayəndəsi Xələf Xələfov COP29 məkanında jurnalistlərə açıqlamasında deyib.
O bildirib ki, bu gün bu məsələlər hamısı aktuallığını saxlamaqdadır.
"Çünki Xəzər dənizində su səthinin azalması Xəzəryanı ölkələr, xüsusilə Xəzər sahilində yerləşən böyük şəhərlər üçün ciddi problemə çevrilə bilər. Düşünürəm ki, Xəzəryanı ölkələr də Xəzərin xilas edilməsi, onun flora və faunasının qorunub saxlanması, onun su səthinin qorunub saxlanması və bununla əlaqədar müəyyən layihələrin işlənib hazırlanması üçün öz səylərini əsirgəməməlidirlər.
Bütün əməkdaşlıq formatlarında fəaliyyətləri artırmaq lazımdır. Eyni zamanda, bu sahəyə maliyyə dəstəyi verilməsini də əsirgəməməlidirlər. Ona görə də ilk növbədə biz düşünürük ki, Xəzər dənizinin ekoloji vəziyyətinə nəzarət edən çoxtərəfli konvensiyanın daimi katibliyinin formalaşması aktual məsələ olaraq qalır.
İndi o katibliyin funksiyasını BMT-nin təşkilatı həyata keçirir, amma təbii ki, katiblik Xəzəryanı ölkələrdən birinə köçürülməlidir. Xəzəryanə ölkələr o katibliyin işini təkmilləşdirməlidir və Xəzərin ekoloji problemlərinə daha çox diqqət yetirməlidirlər.
Ən başlıca məsələlərdən biri də Xəzər dənizinin kənardan çirklənməsi məsələsi aradan qaldırılmalıdır. Xəzər dənizinə tökülən su hövzələrinin problemlərinə yaxından baxılmalıdır", - deyə o əlavə edib.
