COP29-dan gözlənilən əsas nəticə yeni kollektiv kəmiyyət hədəfinə (NCQG) nail olmaqdır.
Missiya.Az xəbər verir ki, bunu Avropa Yenidənqurma və İnkişaf Bankının (EBRD) prezidenti Odil Reno-Basso bu gün COP29 çərçivəsində keçirilən yüksək səviyyəli dəyirmi masada bildirib.
"Bu COP iqlim dəyişikliyi ilə mübarizənin maliyyələşdirilməsinə həsr olunub. Bu tədbirdən gözlənilən əsas nəticə yeni kollektiv kəmiyyət hədəfidir. Biz təkidlə tərəfləri NCQG hədəfi üzrə iddialı və qəti nəticəyə gəlməyə çağırırıq.
Bu hədəf MDP-nin iqlim dəyişikliyi ilə mübarizə üçün daha çox vəsait ayırmaq və özəl kapitalın səfərbər edilməsi hesabına gəliri artırmağa can atmaq qabiliyyətinin açarıdır ki, bu da bizə bu hədəfi həyata keçirmək üçün daha sıx əməkdaşlıq etməyə imkan verir", - o bildirib.
