Fins.az - Beynəlxalq reytinq agentliyi Fitch Ratings, Latviya Respublikasının kredit reytinqini A- səviyyəsində təsdiqləyib və gələcək proqnozunu müsbətdən stabilə dəyişib.
Agentlik, Latviya iqtisadiyyatının etibarlı siyasət sisteminə, Aİ və Avrozonada üzvlükdən irəli gələn üstünlüklərə, həmçinin dövlət borcunun aşağı səviyyəsinə görə reytinqi dəstəklədiyini qeyd edib. Lakin, geosiyasi vəziyyətin təsiri ilə Latviyanın iqtisadiyyatının orta müddətli dövrdə yavaş böyüməsi proqnozlaşdırılır və dövlət borcunun ÜDM-ə nisbətinin artacağı gözlənilir. 2025-ci il üçün büdcə defisiti 3%, 2026-cı il üçün isə 2,9% olacaq.
