COP29 çərçivəsində Sumqayıt Dövlət Universiteti dəstəyi ilə təşkil olunan "Oxford Said Burjeel Holdings" iqlim dəyişmələri müsabiqəsinin finalı "İqlim fəaliyyətində gənclərin liderliyi: təhsil və innovasiyalar vasitəsilə dəyişikliyi ruhlandırmaq” adlı Panel müzakirəsi baş tutub.
APA xəbər veriri ki, müzakirədə çıxış edən elm və təhsil nazirinin müavini Kənan Kərimzadə qeyd edib ki, Azərbaycan və bir çox digər ölkələr iqlim dəyişikliyi ilə mübarizəyə sadiq olduqlarını bir daha təsdiq etdilər. Qeyd olunub ki, iqlim dəyişikliyində məqsədlərə nail olmaq güclü maliyyə dəstəyi lazımdır: “Bu gün dünyada bir çox davamlı fondların, hökumətlərin öz resurslarını bərpa olunan enerji və təmiz texnologiyaya fəal şəkildə yönəltdiyini görmək ruhlandırıcıdır.
İnanıram ki, düzgün maliyyə alətləri və resursları ilə biz daha böyük iqtisadiyyata keçid edən fərqli bir istiqamətə dönə bilərik.
Biz gəncləri təkcə bu prosesin bir hissəsi olmaq və ya iştirak etmək üçün deyil, həm də bu yaşıl iqtisadiyyatı başa düşmək üçün bilik və təcrübə ilə təchiz edən təhsil proqramlarının təşviqinə xüsusi diqqət yetiririk. İnanırıq ki, təhsil siyasətlərimizi davamlı inkişaf məqsədləri ilə uyğunlaşdırmaqla, təmiz enerji sahəsində innovasiyaların çiçəkləndiyi gələcək üçün zəmin yarada bilərik və bu səylərin mərkəzində təhsil dayanır. O, davamlılıq mövzularını məktəblərimizə və universitetlərimizə inteqrasiya etməklə, iqlimə əsaslanan tədqiqatları dəstəkləməklə və akademiya ilə sənaye arasında tərəfdaşlığı inkişaf etdirməklə bilik və bacarıqları təmin edir. Bu gün dünyanın hər yerində gənclər iqlimlə bağlı fəaliyyətdə güclərini artırırlar”.
