“Parlament ədalətli keçidi dəstəkləmək üçün bacarıqlar və iqlim gündəmləri üzrə milli siyasətlərin uyğunlaşdırılmasında mühüm rol oynayır. Qanunvericilik, büdcələşdirmə və nəzarət vasitəsilə Parlament iqlim fəaliyyətini bacarıqların inkişafı ilə birləşdirən, vətəndaşların yaşıl işlərə hazır olmasını və heç kimin geridə qalmamasını təmin edən ardıcıl yanaşmanı idarə edə bilər”.
APA xəbər verir ki, bunu COP29 çərçivəsində “Yaşıl İşlər və Bacarıqlar” mövzusunda Yüksək Səviyyəli Üçtərəfli Dəyirmi Masada deputat Nigar Məmmədova deyib.
Deputat bildirib ki, biz yaşıl bacarıqların təhsil sistemlərinə inteqrasiyası üçün qanun qəbul etməliyik: “Bu, davamlılıq prinsiplərinin məktəb kurikulumlarına, texniki və peşə təhsilinə, işçi qüvvəsinin hazırlığına daxil edilməsi deməkdir. Bu yaşıl bacarıqların bütün səviyyələrdə birləşdirilməsini təmin etməklə biz vətəndaşlarımıza yaşıl iqtisadiyyatda inkişaf etmək üçün alətlər m bacarıqların öyrənilməsini təsirə məruz qalan hər kəs, o cümlədən qadınlar, gənclər, kənd əhalisi və təcrid olunmuş qruplarüçün əlçatan etməlidir. Maliyyə dəstəyi və çevik, rəqəmsal öyrənmə variantları tələb etməklə biz müxtəlif cəmiyyətimizin bütünpotensialını açır”.
Qeyd olunub ki, ədalətli keçid üçün siyasətlərin bacarıqlar və iqlim gündəmləri arasında uyğunlaşdırılmasının mərhələli proses olduğunu qəbul etmək vacibdir: “Yaşıl texnologiyalar və əmək bazarı dinamikası inkişaf etdikcə, siyasətlər diqqətlə hazırlanmalı və dinamik şəkildə uyğunlaşdırılmalıdır. Bunun üçün hökumət, biznes, akademik dairələr və vətəndaş cəmiyyəti arasında davamlı əməkdaşlıq, eləcə də uzunmüddətli hədəflərə davamlı öhdəlik lazımdır.
Əsas nəzarət orqanı kimi parlament şəffaflığı və hesabatlılığı təmin etməlidir. Milli iqlim və bacarıq strategiyaları və fəaliyyət planlarının müntəzəm nəzərdən keçirilməsinə, dövlət xərclərinin izlənməsinə və yaşıl siyasətlərin həyata keçirilməsinə cavabdeh olannazirliklər üçün ciddi hesabatlılığa ehtiyacımız var.
İnklüziv və əlçatan yaşıl iş və bacarıqların öyrədilməsi üçün qanunvericilikyaratmaqla hər bir azərbaycanlının yaşıl iqtisadiyyatdan faydalanmaq imkanına malikolmasını təmin edə bilərik”.
