1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Braziliyalı məşhur hücumçu Ronaldo ölkəsinin Futbol Konfederasiyasının (CBF) prezidenti olmaq istəyir.
Oxu.Az xəbər verir ki, əfsanəvi futbolçu gələn il keçiriləcək seçkidə namizədliyini irəli sürməyi planlaşdırır. "Fenomen" ləqəbli keçmiş forvarda iş adamlarından, eləcə də məşhur futbolçulardan güclü dəstək var.
48 yaşlı Ronaldo prezident olacağı təqdirdə, İngiltərənin "Mançester Siti" komandası ilə müqaviləsi gələn il başa çatacaq Xosep Qvardiolanı Braziliya millisinə baş məşqçi təyin etməyi düşünür.
Qeyd edək ki, Ronaldo hazırda İspaniyanın "Real Valyadolid" və Braziliyanın "Kruzeyro" klublarının səhmlərinə sahibdir.
