Polşa Prezidenti: Şoltsun Putinə zəngi Trampın sülh səylərinə zərbə vurur...
Polşa prezidenti Anjey Duda Almaniya kansleri Olaf Şoltsu ABŞ-ın yeni seçilmiş prezidenti Donald Trampı Ukraynanın gələcəyi ilə bağlı danışıqlardan kənarlaşdırmağa çalışmaqda ittiham edib.
Poliqon xəbər verir ki, Polşa prezidentinin sözlərini Bloomberg Agentliyi sitat gətirib.
Duda iddia edir ki, Şoltsun çağırışı kanslerin özünün dediyi kimi Vladimir Putini münaqişənin sülh yolu ilə həlli üzrə danışıqlara sövq etmək məqsədi daşımayıb.
“Mən hesab edirəm ki, bu, Donald Tramp vəzifəyə başlamazdan əvvəl Ukraynada atəşkəsə nail olmaq cəhdi idi”, deyə Duda vurğulayıb.
Duda hesab edir ki, Şolts Tramp administrasiyası dövründə ABŞ-nin Almaniya üçün əlverişsiz müqavilələr bağlamaq ehtimalından narahatdır və fəal olmağa çalışır. Duda iddia edir ki, almanların ən böyük qorxusu Donald Trampın onları Amerikadan qaz almağa məcbur etməsidir.
Poliqon.info
