COP29 çərçivəsində şəhər iqlimi fəaliyyətinin maliyyələşdirilməsi üzrə yüksək səviyyəli dəyirmi masa keçirilib.
Bakıvaxtı.az apa-ya istinadla xəbər verir ki, dəyirmi masa COP29 Sədrliyi, Dövlət Şəhərsalma və Arxitektura Komitəsi UN-Habitat və Çoxtərəfli İnkişaf Bankarı ilə əməkdaşlıq çərçivəsində baş tutub.
“Hazırda dünya əhalisinin 55%-dən çoxu şəhərlərdə yaşayır. 2030-cu ilə qədər bu rəqəmin 60%-i keçəcəyi gözlənilir. BMT-nin hesablamalarına görə, şəhər əraziləri qlobal istixana qazı emissiyalarının 70%-nə cavabdehdir. Davamlı infrastruktura, yaşıl binalara və dayanıqlı şəhər sistemlərinə sərmayə qoymaqla şəhərlər aşağı karbonlu, iqlimə davamlı gələcəyə keçidi təmin edə bilər. Lakin bunun üçün bizə maliyyə lazımdır”, - deyə Dövlət Şəhərsalma və Arxitektura Komitəsinin sədri Anar Quliyev çıxışı zamanı deyib.
İqlim üzrə Dünya Şəhərləri Hesabatını təqdim edən BMT-Habitat-ın icraçı direktoru Anaclaudia Rossbach deyib ki, 2030-cu ilə qədər yeni və ya təkmilləşdirilmiş iqlimə davamlı infrastruktura sərmayə qoymaq üçün hər il 4,5-5 trilyon arasında maliyyə ayrılmalıdır:
“Hazırda isə şəhərlər bunun yalnız bir hissəsini, 7-8%-ni təmin edə bilir”.
