Bir çox insan səyahət zamanı ürəkbulanma, başgicəllənmə və soyuq tərləmə kimi əlamətlər yaşayır.
Turkustan.az xəbər verir ki, bu kimi narahatedici halların qarşısını almaq üçün müəyyən qidalar qəbul edilməlidir. Mütəxəssislər maşın tutmasına yaxşı təsir edəcək həmin qidalar barədə məlumat verib.
Maşın tutması bir çox insanın yolda səyahət edərkən qarşılaşdığı narahat bir vəziyyət olaraq diqqət çəkir. Ürəkbulanma, başgicəllənmə və mədə narahatlığı kimi əlamətlərlə özünü göstərən bu vəziyyət xüsusilə uzun səfərlərdə tez-tez yaşanır.
Mütəxəssislər bu vəziyyəti yüngülləşdirmək üçün bəzi qidaların faydalarına diqqət çəkib.
Zəncəfil: Zəncəfil ürəkbulanmanı aradan qaldıran təsiri ilə tanınır. Zəncəfil çayı və ya zəncəfil kökünü çeynəmək bu halı aradan qaldırır.
Limon: Limon suyu mədədə sakitləşdirici təsiri ilə tanınır. Səyahətdən əvvəl və ya səyahət zamanı limonlu su içmək ürəkbulanmanı aradan qaldıra bilər. Bundan əlavə, limon qoxusu da ürəkbulanmanı azaltmaqda təsirli ola bilər.
Nanə: Nanə ürəkbulanma aradan qaldıran xüsusiyyətlərə malikdir. Nanə çayı içmək və ya nanə konfeti istifadə etmək də çox təsirlidir.
Duzlu çubuqlar: Duzlu çubuqlar mədə turşusunu balanslaşdıraraq ürək bulanmasını aradan qaldıra bilər. Səyahət zamanı duzlu çubuq istehlak etmək mədəni sakitləşdirə və ürək bulanmasını azalda bilər.
Aytən Yaşar/ Turkustan.az
