Onilliklər ərzində elm adamlarını okeanın ortasında zəif cazibə zonası çaşdırıb.
QHT.az xəbər verir ki, Aralıq dənizi qurumaq ərəfəsində olsa da , elm adamları Hind okeanında elm adamlarını onilliklər boyu təqib edən sirli “cazibə dəliyi”nin izahını tapıblar. Hind okeanındakı "qravitasiya dəliyi" Hindistandan 1200 km cənub-qərbdə, təxminən 3,1 milyon kvadrat kilometr ərazini əhatə edir. Ərazi o qədər zəif cazibə qüvvəsinə malikdir ki, oradakı dəniz səviyyəsi Yer kürəsinin hər yerindən 106 metr aşağıdır. 1948-ci ildə kəşf edilən “qravitasiya dəliyi” yaxın vaxtlara qədər sirr olaraq qaldı. Müxtəlif nəzəriyyələr onun varlığını izah etməyə çalışdılar, lakin yalnız indi ağlabatan bir versiya ortaya çıxdı.
Tədqiqatçılar, 19 kompüter modeli ilə son 140 milyon il ərzində Yer mantiyasının və tektonik plitələrinin hərəkətini təhlil edərək Hind okeanındakı "qravitasiya dəliyi"nin yaranmasının səbəblərini müəyyən ediblər. Məlum olub ki, bu anomaliya, 180 milyon il əvvəl Tetis adlı qədim okeanın ölümündən sonra yaranıb. Okeanın altındakı qabıq parçaları mantiyanın dərinliklərinə batmış və 20 milyon il əvvəl bu fraqmentlər, Afrikadakı "Afrika Ləkəsi"ndən gələn yüksək sıxlıqlı materialla əvəzlənib, nəticədə bölgənin cazibəsi zəifləyib. Elm adamları, bu tapıntıların digər məlumatlarla təsdiqlənməsini hələ gözləyirlər.
R.İmanov
