“Tesla”nın CEO-su və “X”in sahibi İlon Mask 2021-ci ildəki rekordunu yeniləyərək tarixin ən varlı adamı olub.
Turkustan.az xəbər verir ki, bu barədə məlumat “Bloomberg” agentliyi tərəfindən dərc edilən “Bloomberg Milyarderlər İndeksin”də öz əksini tapıb.
Reytinqə görə Maskın sərvəti son bir həftə ərzində 35 milyard dollar artıb və hazırda 348 milyard dollar qiymətləndirilir.
“Amazon”un qurucusu Ceff Bezos ikinci yerə düşüb. Onun sərvəti 219 milyard dollar dəyərində qiymətləndirilir.
İlk üçlüyü “Oracle” korporasiyasının rəhbəri Larri Ellison tamamlayır. Onun sərvəti 206 milyard dollar qiymətləndirilir.
Qeyd edək ki, agentlik 2012-ci ilin martından planetin ən varlı 500 adamının sərvətləri haqqında məlumatların yer aldığı “Bloomberg Milyarderlər İndeksi”ni dərc edir./yeniavaz.com/
