Cari ilin oktyabr ayında kredit portfelinin artımı davam edib.
Fins.az Mərkəzi Banka istinadən xəbər verir ki, hesabat dövründə bankların kredit portfeli 1,4% və ya 374,6 milyon manat artaraq 27 milyard 80,5 milyon manata çatıb.
Kredit portfelinin strukturu:
- Biznes kreditləri: Ümumi portfelin 54%-ni təşkil edir (14 milyard 628,1 milyon manat).
- İstehlak kreditləri: Ümumi portfelin 30,6%-ni təşkil edir (8 milyard 277,8 milyon manat).
- İpoteka kreditləri: Ümumi portfelin 15,4%-ni təşkil edir (4 milyard 174,6 milyon manat).
Bundan əlavə, cəmi kredit portfelində (bank olmayan kredit təşkilatları və kredit ittifaqları daxil olmaqla) vaxtı keçmiş kreditlərin payı azalmağa davam edib. Belə ki, bu göstərici əvvəlki ilin müvafiq dövrü ilə müqayisədə 0,2 faiz bəndi azalaraq 1,7%-ə düşüb.
Fuad Mədətov
Fins.az
