Qazaxıstanın paytaxtı Astana şəhərində Kollektiv Təhlükəsizlik Müqaviləsi Təşkilatına (KTMT) üzv ölkələrin Xarici İşlər Nazirləri Şurasının, Müdafiə Nazirləri Şurasının və Təhlükəsizlik Şuraları Katiblərinin birgə iclası keçirilib.
APA xəbər verir ki, bu barədə KTMT-nin mətbuat xidməti məlumat yayıb.
Toplantının iştirakçıları təşkilata üzv ölkələrdəki hərbi-siyasi vəziyyət, əməkdaşlığın nəticələri və perspektivləri ətrafında fikir mübadiləsi aparıblar.
İclasda Böyük Vətən müharibəsində qələbənin 80 illiyinin keçirilməsinə hazırlıq məsələləri də gündəmdə olub.
Tərəflər KTMT-nin müzakirəsinə çıxarılan bəzi sənədlərin təsdiqlənməsi, eləcə də müttəfiqlik münasibətlərinin, xarici siyasətlə bağlı koordinasiyanın və Kollektiv Qüvvələrin potensialının möhkəmləndirilməsi istiqamətində bir sıra qərarlar qəbul edib.
***
09:47
Qazaxıstanın paytaxtı Astana şəhərində Kollektiv Təhlükəsizlik Müqaviləsi Təşkilatına (KTMT) üzv ölkələrin Xarici İşlər Nazirləri Şurasının, Müdafiə Nazirləri Şurasının və Təhlükəsizlik Şuraları Katiblərinin birgə iclası başlayıb.
APA xəbər verir ki, bu barədə KTMT-nin mətbuat xidməti məlumat yayıb.
Bildirilib ki, iclasın gündəliyinə KTMT-nin Kollektiv Təhlükəsizlik Şurasının bəyannaməsi və Böyük Vətən müharibəsində Qələbənin 80 illiyi münasibətilə qəbul olunacaq bəyanatın mətnləri də daxil olmaqla, ümumilikdə 15 məsələ daxil edilib.
