Ədliyyə Nazirliyinin Strateji planlaşdırma və monitorinq baş idarəsinə rəis təyin edilib.
"AzPolitika"-nın "qafqazinfo”-ya istinadən verdiyi məlumatına görə, bununla bağlı ədliyyə naziri Fərid Əhmədov müvafiq Əmr imzalayıb.
Əmrə əsasən, bu vəzifəyə Ceyhun Tağıyev təyinat alıb.
Qeyd edək ki, 45 yaşlı C.Tağıyev 2024-cü ilin iyun ayında ədliyyə orqanlarına qulluğa qəbul olunub və Strateji planlaşdırma və monitorinq baş idarəsinin Daxili nəzarət və araşdırmalar idarəsinin rəisi vəzifəsinə təyin olunub. Həmçinin sentyabr ayından Strateji planlaşdırma və monitorinq baş idarəsinin rəisi vəzifəsinin icrası ona müvəqqəti həvalə edilib.
