Bu gün futbol üzrə İngiltərə çempionatında (Premyer Liqa) 2024/2025-ci illər mövsümünün 15-ci turuna yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Vest Hem” “Vulverhempton”u qəbul edib. Üç qolun qeydə alındığı oyun meydan sahiblərinin çətin qələbəsiylə yekunlaşıb.
Beləliklə, İngiltərə Premyer Liqasının geridə qalmış 15 turundan sonra 35 xal toplamış “Liverpul” vahid liderdir. “Çelsi” 31 xalla 2-ci, “Arsenal” 29 xalla 3-cü, son çempion “Mançester Siti” 27 xalla 4-cü pillədə qərarlaşıb. “Nottingem Forest” və “Aston Villa”nın 25, “Brayton” və “Bornmut”un 24, “Brentford” və “Fulhem”in 23, “Tottenhem” və “Nyukasl”ın 20, “Mançester Yunayted”in 19 xalı var.
İngiltərə, Premyer Liqa
15-ci tur
7 dekabr
Everton – Liverpul oyunu təxirə salınıb
Aston Villa – Sauthempton 1:0
Qol: Duran, 24.
Brentford – Nyukasl 4:2
Qollar: Mbeumo, 8. Vissa, 28. Kollinz, 56. Şade, 90 – A.İsak, 11. Barnes, 32.
Kristal Pelas – Mançester Siti 2:2
Qollar: Munyos, 4. Lakrua, 56 – Haland, 30. R.Lyuis, 68.
Mançester Yunayted – Nottingem Forest 2:3
Qollar: Höylund, 18. B.Fernandes, 61 – Milenkoviç, 2. Gibbs-Uayt, 47. Vud, 54.
8 dekabr
Fulhem – Arsenal 1:1
Qollar: R.Ximenes, 11 – Saliba, 52.
İpsviç Taun – Bornmut 1:2
Qollar: Çaplin, 21 – E.Ünal, 87. Uattara, 90+5.
Lester Siti – Brayton 2:2
Qollar: Vardi, 86. De Kordova, 90+1 – Lampti, 37. Minteh, 79.
Tottenhem – Çelsi 3:4
Qollar: Solanke, 5. Kuluşevski, 11. Son, 90+6 – Sanço, 17. Palmer, 61; 84. E.Fernandes, 73.
9 dekabr
Vest Hem – Vulverhempton 2:1
Qollar: Souçek, 54. Bouen, 72 – Doherti, 69.
