AMB-nın qərarına hüquqşünas Əkrəm Həsənov münasibət bildirib.
O, Demokrat.az- açıqlamasında deyib ki, regionlarda əhalinin maliyyə xidmətlərinə çıxışının olması üçün ən yaxşı yol “AzərPoçt”un şöbələridir:
“Demək olar ki, hər yaşayış məntəqəsində poçt şöbəsi var. Bank xidmətləri müxtəlifdir – pul köçürmələri, əmanətlər, amma kredit verilməsinə isə icazə yoxdur poçtlarda. Bu məsələ isə vacibdir. Poçtlardan lisenziyaların alınması yaxşı hal deyil ümumilikdə. Çünki bu, dediyim kimi əhalinin bank xidmətlərinə əlçatanlığını məhdudlaşdırır. Həmin qərarın verilməsinin səbəbini isə bilmirik, ola bilər ki, həmin poçt şöbələrinin texniki imkanları buna yol vermir. Amma yaxşı olardı ki, problemlər varsa da, həll olunsun. Çünki əhali daim şikayət edir ki, banklarla bağlı prosedurları icra edə bilmirlər”.
Törə Zeynallı
Demokrat.az
