Quba, 14 dekabr, Elxan Yusifli, AZƏRTAC
Dekabrın 13-ü axşam saatlarından başlayaraq Quba, Qusar, Xızı və digər şimal rayonlarının ərazisinə qar yağır.
Qubada yerləşən Şimal-Şərq Regional Hidrometeorologiya Mərkəzindən AZƏRTAC-ın bölgə müxbirinə bildirilib ki, ən çox qar Qubanın Qudyalçay-Qımıl məntəqəsində qeydə alınıb. Burada qarın hündürlüyü 24 santimetrə çatır. Region üzrə ən aşağı temperatur Qubanın Qrız kəndində (-16) bu məntəqədə qeydə alınıb.
Qubanın rayon mərkəzində 7, Qrızda 10, Xaltanda 8, Qusarın rayon mərkəzində 10, Ləzə kəndində 12 santimetr qar var.
Xızı rayonun Altıağac qəsəbəsində 10 santimetr qar, mənfi 9 dərəcə şaxta qeydə alınıb.
Bölgəyə qar yağmaqda davam edir.
