Latviyalı basketbolçu Yanis Timma Rusiyanın paytaxtı Moskvada intihar edib.
"İki sahil" Rusiya mətbuatına istinadən xəbər verir ki, hüquq-mühafizə orqanlarının məlumatına görə, idmançının meyiti şəhərin mərkəzi hissəsindəki yaşayış binasının girişində tapılıb. İlkin məlumata görə, ölüm intihar nəticəsində baş verib.
Timma rusiyalı müğənni Anna Sedokovanın həyat yoldaşı olub. Bir həftə əvvəl məhkəmə Anna Sedokovanın Yanis Timma ilə boşanma iddiasını təmin etdi. Cütlük 2020-ci ildə ailə həyatı qurub. Müğənni bu il oktyabrın 16-da boşanmaq üçün ərizə verib.
