Marmarisdəki evində səhhəti pisləşən məşhur müğənni Ferdi Tayfur təcili olaraq xəstəxanaya aparılıb, daha sonra Antalya şəhərinə göndərilərək əməliyyat olunub.
Redaktor.az xəbər verir ki, Muğlanın Marmaris rayonunda qəfil halı pisləşən Ferdi Tayfur xüsusi bir xəstəxanada reanimasiyaya yerləşdirilib. Onun soyuqdəymə səbəbindən narahat olduğu bildirilir. Daha əvvəl müalicə aldığı Antalyadakı həkiminin tövsiyəsi ilə o, təcili tibbi təyyarə ilə yenidən həmin şəhərə aparılıb. Ferdi Tayfur dünən gecə saat 23:00 radələrində Antalyadakı xəstəxanaya çatdırılaraq reanimasiyaya yerləşdirilib.
Ferdi Tayfurun mətbuat katibi Şirin Gözalıcı, müğənninin əməliyyatının uğurla keçdiyini bildirib:
“Ferdi Tayfurun əməliyyatı uğurlu keçib. Hazırda sağlamlıq vəziyyəti yaxşıdır və nəzarət altında saxlanılır. Əlavə məlumat veriləcək".
Seymur BƏNNAYEV
