1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Supermarketdən alınan yumurta təkcə onu alan qadına deyil, bütöv bir xeyriyyə fonduna inanılmaz uğur gətirib.
Oxu.Az-ın verdiyi məlumata görə, bu barədə "Daily Mail" xəbər yayıb.
Bildirilib ki, Lamborn şəhərinin sakini Ed Paunell yaranma ehtimalı milyarddabir olan unikal dəyirmi toyuq yumurtasını əldə edib və onu gənclərin psixi sağlamlığını dəstəkləyən "Iuventas Fonduna" ianə edib.
Fond əməkdaşları əvvəlcə bu hədiyyəni zarafat kimi qəbul ediblər, bununla belə dəyirmi yumurtanı xeyriyyə hərracına çıxarmağa qərar veriblər. Ancaq hamının heyrətinə səbəb olan hadisə baş verib: lot üçün tam 200 funt sterlinq (430 manat) əldə edilib.
Qeyd edək ki, yumurtanın yalnız bir lot olduğu hərrac fond üçün ümumilikdə 5000 funt sterlinq toplayıb.
"Toplanmış vəsait psixi sağlamlıq problemləri ilə üzləşən və dəstəyə ehtiyacı olan 13-25 yaşlı gənclərə kömək edəcək", - deyə fond əməkdaşı Rozz Repp bildirib.
