Bu gün Ümumdünya Yoxsullara Yardım günüdür.
Hər il dekabrın 19-da dünyada qeyd olunan Beynəlxalq Yoxsullara Yardım Günü 1995-ci ildə BMT tərəfindən təsis edilib. Beynəlxalq ekspertlərin məlumatına görə, planetin bütün əhalisinin təxminən dörddə bir hissəsi, yəni yarım milyard adam 20-ci əsrin dilənçi vəziyyətində olub. Aparılan araşdırmalar onu da göstərir ki, 1999-cu ildən 2007-ci ilədək olan dövrdə yoxsulluqdan daha 300 milyon nəfər ölüb.
Məlumata görə, hətta iki dünya müharibəsi belə ümumilikdə bu qədər insanın həyatına son qoymayıb. Bununla əlaqədar BMT tərəfindən yoxsulluğun kökünün kəsilməsi məqsədilə bir neçə proqram qəbul edilib. İlk proqramın icrasına 2000-ci ilin əvvəlində başlanılsa da, hələ də yoxsulluq həddində yaşayanların sayı azalmır. Dünya iqtisadiyyatı bu gün sürətlə inkişaf edir, lakin yoxsulluq hələ də bəşəriyyətin əsas problemlərindən biri olaraq qalır. Çünki yoxsulluq təkcə yüksək təhsil almağa və səhiyyəyə pul çatışmazlığı ilə deyil, həm də rahat mənzil və yaxşı iş yerinin olması ilə ölçülür.
Dünyanın bəzi ölkələrində yoxsulluğun aradan qaldırılması üçün dövlət və beynəlxalq proqramlar həyata keçirilir. Eyni zamanda, sahibkarlar, müxtəlif dini və xeyriyyə ictimai təşkilatları tərəfindən yoxsullara yardım göstərilir.
Beynəlxalq Valyuta Fondunun 2024-cü ilin Aprel ayında təqdim etdiyi Ümumdünya İqtisadi Görünüş hesabatında yer alan məlumatlara görə, ölkələrin adambaşına düşən ümumi daxili məhsulu (ÜDM) nəzərə alındıqda, dünyanın ən yoxsul 10 ölkəsindən 9-nun Afrika qitəsində yerləşdiyi görülür. Şərqi Afrikada yerləşən Burundi adambaşına təxminən 230 dollar ÜDM ilə dünyanın ən kasıb ölkəsidir. Eyni bölgədəki Cənubi Sudan və Malavi də adambaşına düşən ÜDM-i təxminən 421 və 480 dollar olmaqla dünyanın ikinci və üçüncü ən yoxsul ölkələridir. Bu ölkələrdən sonra təqribən 486 dollarla Yəmən, 526 dollarla Syerra-Leone, 537 dollarla Mərkəzi Afrika Respublikası, 538 dollarla Madaqaskar, 546 dollarla Sudan, 659 dollarla Mozambik və 670 dollarla Nigeriya var.
Zərintac Mayisqızı Missiya.Az
