Ukrayna və Polşa Rusiya qazının Ukrayna ərazisindən tranziti dayandırıldıqdan sonra Avropa ölkələrinə yanacaq tədarükünü təmin etmək üçün Şərqi Avropa qaz qovşağı yaratmağı planlaşdırır...
Poliqon xəbər verir ki, bu ehtimalı Ukraynanın energetika nazirinin müavini Nikolay Kolesnik açıqlayıb.
Onun sözlərinə görə, Ukraynanın yeraltı qaz anbarları və Polşanın mayeləşdirilmiş təbii qaz (LNG) terminalları Rusiyadan hələ də mövcud marşrutu əvəz etmək üçün nəzərdə tutulmuş yeni biznes modelinin əsası ola bilər. Kolesnik qeyd edib ki, 2025-ci il yanvarın 1-dən Ukrayna ərazisindən tranzitin başa çatması LNG daxil olmaqla, yeni marşrutlar və resurslar üçün rəqabətin başlanğıcını təşkil edir.
Ukrayna ərazisindən tranzitlə bağlı müqavilə bu ilin sonunda başa çatır və Kiyev onu yeniləmək istəmədiyini bəyan edib. Ukrayna prezidenti Volodimir Zelenski bildirib ki, Kiyev Brüssellə birlikdə "Qazprom"la müqavilənin müddəti bitdikdən sonra digər şirkətlərdən qazın tranziti ilə bağlı qərar qəbul edəcək. Dekabrın 17-də Avropa İttifaqının əsas qaz şirkətləri qaz tədarükü olmadığı halda enerji və iqtisadi təhlükəsizliyə təhlükə olduğunu qeyd edərək tranzitin davam etdirilməsinə çağıran bəyannamə imzalayıblar.
Poliqon.info
