Britaniyanın “Financial Times” qəzeti ABŞ-nin yeni seçilmiş prezidenti Donald Trampı "İlin adamı" elan edib.
"Unikal" xəbər verir ki, nəşr bu statusu 2016-cı ildən bəri ikinci dəfə siyasətçiyə verir.
Bu il “Financial Times” hesab edib ki, Trampın yenidən ABŞ prezidenti seçilməsi ölkənin ən yaxın tarixində Ağ Evə “ən dramatik qayıdış” olub.
2023-cü ildə FT Danimarkanın Novo Nordisk əczaçılıq şirkətinin rəhbəri Lars Yorgenseni "İlin adamı" kimi tanıyıb.
Artıq 2017-2021-ci illərdə ABŞ prezidenti olmuş Donald Tramp 2024-cü il noyabrın 5-də keçirilən seçkilərdə qalib gəlib. O, 19-cu əsrdən bəri dörd illik fasilədən sonra Ağ Evə qayıdan ilk Amerika siyasətçisi oldu.
Qeyd edək ki, bundan əvvəl "Time" jurnalı da Trampı "İlin adamı" seçmişdi.
Gülayə Mecid
