1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Gürcüstan Baş naziri İrakli Kobaxidze gözlənilməz qərar qəbul edərək, daxili işlər naziri Vaxtanq Qomеlaurini özünün müavini vəzifəsinə təyin edib. Bu təyinat Qomеlaurinin ABŞ və Böyük Britaniyanın sanksiya siyahısına düşməsindən qısa müddət sonra baş verib.
Oxu.Az-ın məlumatına görə, bu barədə Gürcüstan hökumətinin mətbuat xidməti məlumat yayıb.
"Müvafiq əmri İrakli Kobaxidze bu gün imzalayıb", - deyə məlumatda əlavə edilib.
Beləliklə, bu gündən Gürcüstan hökumətində baş nazirin üç müavini olacaq: baş nazirin birinci müavini iqtisadiyyat naziri Levan Davitaşvili, müavinləri isə DİN rəhbəri Vaxtanq Qomelauri və müdafiə naziri İrakli Çikovani.
