Sumqayıtda avtomobil yolu keçmək istəyən piyadanı vuraraq öldürüb.
"Operativ Media" xəbər verir ki, hadisə şəhərin 45-ci məhəllə ərazisində qeydə alınıb.
1995-ci il təvəllüdlü İlqar Firudin oğlu Paşazadə idarə etdiyi “Hyundai Elantra” markalı avtomobillə hərəkətdə olan zaman yolu keçən qadın piyadanı vurub.
Yaralı xəstəxanaya aparılsa da, onun həyatını xilas etmək mümkün olmayıb.
Faktla bağlı araşdırma aparılır.
