ABŞ-də "Mega Millions" lotereyasının qalibi 1,13 milyard dollarlıq cekpotu qazanıb və astronomik uduşu tələb etmək prosesinə başlayıb.
Söz.az xəbər verir ki, bu barədə "CBS News" məlumat yayıb.
Uğurlu bilet bu ilin mart ayında Nyu Cersidə yol kənarındakı mağazada satılıb.
Eyni zamanda cekpotu qazanmaq şansı ilkin olaraq tirajın təşkilatçıları tərəfindən 302 milyonda 1 olaraq qiymətləndirilib.
Şanslı multimilyonçu lotereya qaliblərinin məxfiliyini qorumaq üçün Nyu-Cersinin 2020-ci il qanunu sayəsində adını açıqlamayıb və anonim qalmağı seçib.
Bütün federal və regional vergiləri ödəmək zərurətini nəzərə alaraq, qalibə təxminən 537,5 milyon dollar veriləcək.
Maraqlıdır ki, ABŞ tarixində qazanılan ən böyük lotereya 2023-cü ildə alınan 2,04 milyard dollarlıq "Powerball" mükafatıdır.
