Aktau hava limanı yaxınlığında qəzaya uğrayan Bakı-Qroznı təyyarəsində xəsarət alan və hazırda Bakıya gətirilən 14 yaralı Yeni Klinikaya yerləşdiriləcək.
News24.az TNS-a istinadla bildirir ki, adıçəkilən tibb müəssisəsində yaralılar üçün palatalar ayrılıb, həkim briqadaları yaradılıb.
Xatırladaq ki, yaralılar Aktau hava limanından xüsusi təyyarə reysi ilə Bakıya yola salınıb. Yaxın 2 saat ərzində yaralılar Bakıda Heydər Əliyev hava limanında qəbul edilərək Yeni Klinikaya gətiriləcək. Məlumata görə, yaralıları daşımaq üçün təcili tibbi yardım avtomobilləri və həkim briqadaları hava limanına göndərilib.
