“Araz-Naxçıvan”ın qış hazırlıq planında dəyişiklik olub.
Fanat.Az xəbər verir ki, klubun mətbuat xidməti bu barədə məlumat yayıb.
Komandanın təlim-məşq toplanışı zamanı keçirəcəyi yoxlama oyunlarının təqvimində dəyişiklik edilib. Belə ki, "qırmızı-ağlar" əvvəlcədən nəzərədə tutulduğu kimi, yanvarın 8-də klubun əvəzediciləri ilə deyil, bir gün sonra – yanvarın 9-da “Sumqayıt”la üz-üzə gələcək. Görüş “Kapital Bank Arena”da keçiriləcək. Oyunun başlama saatı hələ məlum deyil.
Beləliklə, yanvarın 5-də bir araya gələcək Naxçıvan təmsilçisi yanvarın 9-da “Sumqayıt”, ayın 11-də isə “Səbail”lə qarşılaşacaq.
