Xəbər verdiyimiz kimi, Cənubi Koreyada Muan hava limanında sərnişin təyyarəsi uçuş-enmə zolağından çıxaraq hasara çırpılıb. Qəza nəticəsində təyyarədə olan ümumi 181 nəfərdən 179-u həlak olub.
“Qafqazinfo”nun xarici mediaya istinadən məlumatına görə, Başqkokdan gələn təyyarə yerli vaxtlar 08:30-da yerə enməli idi.
İlkin məlumata görə, hava gəmisi quşlarla toqquşduğundan onun şassisində nasazlıq yaranıb və o bu səbəbdən füzelyajın üzərinə eniş etməli olub. Lakin pilotlar zolağın sonuna qədər sürəti azalda bilməyib və təyyarə hasara çırpıldıqdan sonra yanıb.
Şahidlərin sözlərinə görə, təyyarə hələ yerə enməmişdən əvvəl onun sağ qanadında yanğın müşahidə edilib.
Təyyərədə olan sərnişinlərdən 173-ü koreyalı, ikisi isə taylandlı olub.
Hadisədən sonra Koreya Respublikasının Prezidenti səlahiyyətlərini icra edən Çxve San Mok qəza yerinə yollanıb.
