Şərqi Avropa Voleybol Zonal Assosiasiyası (EEVZA) çempionatında iştirak edəcək 20 yaşadək voleybolçu oğlanlardan ibarət millimiz yarışa hazırlıqlarını davam etdirir.
Futbolpress.az xəbər verir ki, yığma məşq prosesini AVF-nin İdman zalında və GİN-nin Voleybol Mərkəzində keçir. Təlim-məşq prosesinə yarışda iştirak edəcək 14 idmançı cəlb olunub.
Qeyd edək ki, EEVZA çempionatı 10-14 yanvar 2024-cü il tarixlərində Polşanın Qojuv-Velkopolski şəhərində təşkil olunacaq. Komandamız “AVRO-2024”ə seçmə xarakteri daşıyan yarışa yanvarın 10-da yola düşəcək. Səbuhi Əliyevin rəhbərlik etdiyi komandamız ilk oyununu yanvarın 11-də Estoniya kollektivinə qarşı keçirəcək.
