Rusiya qazı Aİ sanksiyalarına məruz qalmır

Avstriyanın OMV neft-qaz şirkəti bəyan edib ki, Rusiya qazı Aİ-nin sanksiyalarına məruz qalmır, ondan imtina etmək üçün Avstriya hakimiyyəti hüquqi baza yaratmalıdır. Bu barədə RİA Novosti konsernin mətbuat xidmətinə istinadən xəbər verir. “Rusiya təbii qazı Avropada sanksiyalara məruz qalmır və bir neçə ölkədən idxal olunur”, - nəşr yazır. Şirkət nümayəndələrinin sözlərinə görə, qaz tədarükü ilə bağlı müqavilələr hər iki tərəfin məxfiliyinə tabedir, ona görə də hazırda mümkün maliyyə itkiləri ilə bağlı açıqlama vermək mümkün deyil. Eyni zamanda, konsern tətbiq edilən bütün sanksiyalara və qanunlara əməl edir və tədarük mənbələrini şaxələndirməyə davam edir. Bir müddət əvvəl Almaniyanın energetika naziri Leonore Gewessler bildirmişdi ki, Avstriya hakimiyyəti əvvəllər Avstriyanın OMV neft-qaz konserni tərəfindən bağlanmış Rusiya qazının tədarükü üzrə müqavilələrdən çıxış yolu hazırlamalıdır.