Rusiya ordusunun əsas şəhərdəki bir rayonu ələ keçirdiyini bəyan etməsindən bir gün sonra, Ukrayna cümə axşamı qüvvələrinin Donetsk vilayətinin şərqindəki Çasiv Yarın bir hissəsindən geri çəkildiyini bildirib.
"Düşmən oraya daxil olduqdan sonra müdafiəçilərimizin mövqeləri məhv edildi və məhələnin saxlanması mümkün olmadı. Hərbçilərimizin həyatı və sağlamlığı üçün təhlükə yarandı" - deyə, hərbi sözçüsü Nazar Voloşin Ukrayna televiziyasına bildirib.
"Komandanlıq daha mühafizə olunan və hazırlıqlı mövqelərə geri çəkilmək qərarına gəldi. Lakin orada da düşmən döyüşlərini dayandırmır" - deyə, o əlavə edib.
Çasiv Yar hündür yerdədir və bu o deməkdir ki, Rusiya qüvvələri şəhərə tam nəzarəti ələ keçirsə, Ukraynanın digər şəhərlərinə doğru irəliləmək üçün oradan toplaşma məntəqəsi kimi istifadə edə bilər.
Rusiyanın Ukraynanın şimal-şərqindəki Xarkiv şəhəri yaxınlığında yeni cəbhə açmaq cəhdlərinin qarşısı alınıb. Lakin Ukrayna prezidenti Volodimir Zelenski ABŞ-ın hərbi yardımı gecikdirməsinin Ukrayna ordusunda çətinliklərə səbəb olduğunu deyib.
Cümə axşamı sosial mediada dərc olunan Bloomberg-ə müsahibəsində prezident Zelenski "Bizim az təchiz olunmuş 14 briqadamız var. Onların müvafiq silahları yoxdur. Təchizat gəlməlidir, amma təəssüf ki, yavaş gəlir" deyib.
Bu arada Rusiya prezidenti Vladimir Putin cümə axşamı bildirib ki, Ukrayna hökuməti "geri dönüşü olmayan" və Kreml üçün məqbul hesab edilən addımlar atmayınca, Moskva Ukraynada atəşkəs elan etməyəcək.
visiontv.az
