"Trampın dediyini ciddi qəbul etməsək də, o, ciddi şəkildə bəyan edir ki, uduzacağı təqdirdə qanlı qırğın olacaq..."
ABŞ prezidenti Co Bayden Donald Trampın qarşıdakı prezident seçkilərində məğlub olacağı təqdirdə mümkün davranışını dəyərləndirib və hakimiyyətin dinc yolla ötürüləcəyinə şübhə etdiyini ifadə edib.
Moderator.az xəbər verir ki, bu barədə o, "ABC News" nəşrinə müsahibəsində bəyan edib.
2020-ci ildə prezident seçkilərı zamanı Tramp öz məğlubiyyətini etiraf etməkdən imtina edib və seçkilərin nəticələrinin legitimliyini şübhə altına alıb.
Bayden Trampın seçkilərdə təkrar uduzacağı təqdirdə 2025-ci ilin yanvarında hakimiyyətin dinc yolla ötürüləcəyini düşünməsi barədə suala cavabında buna o qədər də əmin olmadığını deyib.
"Tramp dediyini deyib. Biz bunu ciddi qəbul etmirik. O, ciddi danışır, deyir ki, "əgər biz uduzarıqsa, qanlı qırğın olacaq, bu, oğurlanmış seçkilər olacaq. Görün, onlar indi yerli seçki dairələrində insanların səslərini sayanda nə etməyə cəhd göstərir", - o, qeyd edib, bu zaman orada respublikaçıların öz adamlarını təyin etməyə cəhd göstərdiklərini nəzərdə tutub.
Xatırladaq ki, 2021-ci il yanvarın 6-da Konqresin hər iki palatası Kapitolinin qarşısında prezident seçkilərinin nəticələrini və Co Baydenin qələbəsini rəsmən elan etmək üçün toplaşıb.
Buna paralel olaraq bütün ölkə boyunca Trampın tərəfdarları da Ağ Evin qarşısına toplaşıb. Tramp bəyan edib ki, onun seçkilərdə qələbəsi oğurlanıb və tərəfdarlarını mübarizəyə səsləyib.
Kütlə Kapitoliyə doğru hərəkət edərək bunaya daxil olub, hüquq-mühafizə işçilərilə toqquşmalar baş verib.
Nəticədə 5 nəfər həlak olub, onlardan bir nəfəri polis əməkdaşı, dörd nəfəri isə Trampın tərəfdarları olub. Kapitoli binasına dəyən zərər 1, 5 milyon dollar təşkil edib. Rəsmi istintaq 725 nəfəri həbs edib, bu zaman Tramp təqibdən yan keçib.
ABŞ-da 2024-cü il seçkiləri - son xəbərlər
Sosioloji sorğular göstərir ki, ABŞ vitse-prezidenti Kamala Harris minimal olsa da, Donald Trampı seçicilərin simpatiyasına görə sabit olaraq üstələyir. Kamala Harris seçicilərin 50 faizinin, Donald Tramp isə 49 faizinin dəstəyinə malikdir.
ABŞ prezidentliyinə namizədlər arasında elektoral mübarizənin nəticələrini adətən həll edən tərəddüdlü ştatlarda hələlik tam paritet hökm sürür, hər iki namizəd yerli seçicilərin 50 faizinin dəstəyinə malikdir.
Həmçinin xəbər verilib ki, respublikaçılar və demokratlar Tramp ilə Harris arasında debatlarla bağlı heç cür razılığa gələ bilmir.
Respublikaçılar onlara yaxın olan "Fox News" telekanalında debatlara tərəfdardır, bu zaman demokratlar nisbətən "neytral" olan "ABC News" telekanalı ilə bağlı əvvəlki razılaşmaya təkid edir.
