Basketbolun 3x3 növü üzrə Avropa kubokunun qrup mərhələsindən sonra qadınlardan ibarət komandaların reytinq siyahısı açıqlanıb.
Cədvəldə dünyanın ən yaxşı 30 komandası yer alıb.
Azərbaycan millisi dünyada 16-cıdır. Yığmamızın hesabında 234,649 xal var.
Avropa kubokunda aldığı iki məğlubiyyət millimizə ciddi təsir edib. Basketbolçularımız Avstriyadakı turnirdə 14,627 reytinq xalı itirib. Bu, komandamızın 3 pillə geriləməsinə səbəb olub.
Qeyd edək ki, cədvələ Kanada başçılıq edir – 571,376. Niderland (477,797) ikinci, Fransa (448,052) üçüncüdür.
